“Men, ou te move dèske nou pa t' sispann fè sa ki mal. Nou tout nou te tankou moun ki pa nan kondisyon pou sèvi ou. Tou sa nou t'ap fè ki byen te tankou rad sal.” Profèt Ezayi di: "Ou vire do ban nou. ou lage nou, ou kite peche nou yo fini ak nou." Delivre nou, o Bondye Papa, anba eprèv ak tribilasyon nou rale mete sou tèt nou yo. Libere nou anba chay sa a ke nou pran mete sou do nou, paske li twò lou pou nou pote. Delivre nou anba prop tèt nou, ak sa nap di, sa nap fè, e nan aksyon nap poze.
