Sèt pratik Chemen Renmen an souvan konekte youn avèk lòt. Youn nan pratik yo se “Ale”, e nou souvan ajoute lòt mo ladan l. Ale preche. Ale sèvi. Ale tande. Ale adore. Ale priye. Pandan nap mache swiv Jezi ak lafwa, nou dwe gen kouraj pou nou ale pi lwen pase kominote kote nou santi nou alèz la, zanmi nou santi nou plis alèz yo, pou nou ka rive nan zòn ak espas ke nou pa konnen ditou. Pou nou fè travay sa a mande anpil pratik; Mwen pa konnen anpil moun ki progrese lè yon bagay pouse yo ale yon kote yo pa konnen.
Pandan nap desann wout ki mennen Betleyèm nan nan lafwa avèk Mari pandan sezon Lavan sa a, kisa nou wè ki sanble diferan oubyen ki sonnen diferan? Kisa ou wè ak tande ki rete menm jan ou te konnen l lan? Anpil nan nou oblije chanje fason nou ap viv lavi nou chak jou. Anpil nan nou pa pratike pratik “Ale” a ditou. Pou kèk nan nou, nou sou yon vwayaj espirityèl, oswa kòm otè ak defansè jistis sosyal Dr Catherine Meeks di li, “yon vwayaj pou nou ale nan kè”. Kòm nou ap vwayaje andedan nou, nap rankontre ni fènwa ni ak limyè, menm jan Mari e Jezi lè moman pou Mari te akouche a te rive.
Tout sa mwen di ou nan fènwa a, di yo nan gran limyè. Limyè ak fènwa gen bagay ki bon ladan yo, konsa nou si nap cheche nou ka jwenn bagay ki negatif. Nan sosyete nou an, nou gen tandans bay definisyon ki vrèman senp de limyè oubyen fènwa, pa egzanp nou toujou tande yon apròch ki trè senp ke limyè se yon bon bagay men fènwa se yon move bagay. Nou tout ka wè aklè ki jan sa se yon panse ki pa depase pwent nen, epi nou ka di plis bagay de sa tou. Lè yon ti bebe ap grandi nan vant manman l’, se nan fènwa li ye; nan fènwa ke li ye nan vant manman l’ lan, li jwenn tout sa li bezwen. Nou grandi e nou propere nan fè nwa, menm jan ak yon grenn ki simen nan bon tè komanse boujonen nan fènwa ki anba tè a.
Nan jan map viv sezon Lavan sa a, mwen vle ale pi lwen ke fason nou toujou wè limyè ak fènwa nan yon sèl fason. Lè Bondye te chwazi pote limyè mond lan sou tè a nan yon nwit nan Betleyèm depi sòti nan vant Mari, Bondye te klè sou sa ke fènwa ak limyè pa ka egziste youn san lòt. Lè youn ladan yo trop epi lòt la manke, anyen pap ka mache, se chechrès ak kraze brize. Si nou antre nan fon nan kè nou ta ka trouve nou bezwen klere yon limyè sou kèk kote invizib oubyen kote nou pat konnen. Nou ka fè sa sèlman lè nou fin pran tan pou nou korije fason nou konprann fènwa pou nou ka wè kisa kè nou kache konsa lè gro limyè ran nou avèg pou yon ti tan, pou nou ka sonje ki kote pou nou gade.
Jan map viv sezon Lavan sa a nan kè mwen, fè mwen ap chèche yon ti bebe ki fèt nan fènwa men ki pote gwo limyè ak lavi pou nou. Ti Jezi nan krèch la pral vini pa lontan pou tout moun kenbe l epi renmen, kèk nan nou ap kenbe l nan silans nan mitan lannwit lan padan li santi l pa byen e pandan lap kriye, kèk nan nou ap kenbe l nan mitan moute desann ki gen nan jounen an lè lap dòmi. Epi nou pral sere ti Jezi sou kò nou pandan nou pral pataje bon nouvèl sa a.